LAOAG CITY – Inyistorya ni Mrs. Marnelie Pereras iti Barangay 9 ditoy ciudad ti Laoag ti kapadasan da iti panangala ti sertipikasyon manipud kenni Barangay Chairman Rodolfo Tomas.
Segun kenni Pereras, mangala da idi ti sertipikasyon para iti panaglako da ti ballot ngem maipagarop a tallo nga aldaw pay laeng ti napalabas sakbay a pinirmaan ni Kapitan Tomas.
Malaksid iti daytoy, kuna ni Pereras a manipud iti bigat ket napan nagkiddaw ti manugang na ti sertpikasyon a mausar ti apoko na para iti panagbasa na.
Nupay kasta, rumrumuar nga awan ti agun-uni iti pagtaengan ti kapitan iti laksid a dinakamat ti asawa ti opisyal nga adda laeng iti balay da daytoy.
Inpetteng na a manipud iti alas-siete iti bigat ket nagsubli-subli da iti pagtaengan ni kapitan Tomas para iti sertipikasyon ngem maipagarop a nakaala da laeng iti alas-nuebe iti rabii.
Kunana a a gapo ta saan maipagarop a saan a pirmaan ti kapitan ti sertipikasyon ket nagpost ti manugang na iti social media mainaig iti kapadasan da ken adda ti nagkomento a maysa nga opisyal.
Dinakamat na nga iti kabigatan na ken nagturong da manen iti balay ti kapitan ket dagus a rimuar ti kapitan ket nasayaat ti pannakisango na kadakuada.
Mainaig iti daytoy, patien ni Pereras a kastoy ti inaramid ti kapitan gapo iti panag-walk out na idi pinaayaban isuna ti barangay para iti panagsasarita seknan iti personal nga isyu.
Inpalgak na a nagwalk out gapo ta marikna na nga adda ti kankanunungan dagiti opisyal ken maipagarop madi ti sao da kenkuana.
Rumrumuar nga adda ti insawang ni Tomas a gapo iti panagwalk-out ni Pereras idi nagsasarita da ket saan na a pulos a tulungan dagitoy ken saan na nga ikkan ti anyaman a sertipikasyon.
Kabayatanna, ikarkarigatan met ti Bombo Radyo a maalaan ti komento ni Kapitan Tomas mainaig iti daytoy a banag.
