LAOAG CITY – Manamnama a sumango ti kaso a Direct Assault Upon an Agent of Person in Authority, Resistance and Disobedience to a Person in Authority, Unjust Vexation and Malicious Mischief ti maysa nga ina idiay Adams, Ilocos Norte.
Daytoy ket kalpasan a saan a rinespetar dagiti nagresponde a pulis kalpasan a maysa kadagiti kameng ti pamilya ti ina ket nagpatulong gapu iti panangdangdangran na ti maysa kadagiti annak na.
Kinariar na pay dagiti pulis a nagresponde ken nagdadael pay ti gamit ti pulis kalpasan a naimbitar ti cuerpo ti pulisya.
Nabigbig ti ina a ni Eden Tacderas y Hernandez, 40 years old, balo, residente ti Pob. 3 iti nasao nga ili.
Immuna ngem iti daytoy, nagpatulong ti menor de edad nga anak a ni Meljoy Tacderas y Hernandez, agtawen ti 16 grade 10 student iti PNP gapu ta dangdanran na ti kabsat na a babai a masikog pay ketdi a nabigbig ti nagan a ni CandelleTacderas y Hernandez, agtawen ti 18, addaan ti live-in partner.
Idi agresponde dagiti pulis, sinerraan ti ridaw ti balay na ngem idi nakstrek dagiti pulis ket binakabakal na dagitoy babaen kadagiti kitchen utensils.
Idi maimbitaran iti cuerpo ti pulisya ken naipisok iti pagbaludan, dinadael na ti kama nga agbalor ti 7 a ribo a pisos.
Ti ina ket adda kaso a sangsangwen na a frustrated homicide ngem nakapagpiyansa.
Rumrumuar a problema ti pamilya ti rason no apay a dingran na ti anak na ken nagprobokar.
