LAOAG CITY – Impeksa ti maysa nga ina nga adda anak na nga agbasbasa iti Ilocos Norte National High School ti sakit ti nakem na kadagiti kontribusyon a bayabayadan na iti nasao a pagadalan.
Segun ti ina a saanen a nagpainagan, tallo ti anak na nga agbasbasa iti nasao a pagadalan no sadinno a ti baybayadan na kontribosyon kas iti Red Cross, Anti-TB, BSP GSP ken dadduma pay iti kada tawen ket umabot iti 870 a pisos.
Masdaaw ti nasao nga ina gapu ta kinolektaran da ti computer fee ti masya kadagiti anak na iti 350 a pisos ngem ti maysa ket saan.
Kuna na pay nga apay nga agkolektardan ket iti koma pay laeng bulan ti Agosto.
Saan a naliklikan ti ina ti nangikumperar iti baybaydan da iti sabali nga eskuwela a 150 a pisos leng.
Namunganay ti nasao a reactor kalpasan a naidasar ti isyu panggep ti mabayadan a computer fee.
Maikarkarigatan met a maala ti reaksiyon ti maseknan a secondary schools.
