LAOAG CITY – Natay ti maysa nga ina kalpasan a nasapgud ti maysa a van iti national highway a paset ti Barangay 10, Estancia, Pasuquin, Ilocos Norte.
Nabigbig ti biktima a ni Aida Corpuz, addaan ti umno a tawen, balo, miembro iti Hukbong Federal Movement of the Philippines-Cagayan Chapter ken residente iti Barangay Masical, Amulong, Cagayan.
Segun ti report, bayat nga agpapa-amyanan a direksyon ti van nga inturong ni Benjamin Apay Jr., agtawen iti 38, naasawaan ken residente iti Barangay Agaman, Baggao, Cagayan, ket nasapgud na ti biktima bayat a bumallasiw ti kalsada.
Naitaray ti biktima iti Governor Roque Ablan Senior Memorial Hospital (GRASMH) ditoy ciudad ti Laoag ngem naideklara a dead on arrival.
Iti agdama, nagtalinaed ti driver ti van iti biang iti PNP-Pasuquin.
