LAOAG CITY – Agarup P150,000 ti bayadan ti driver ti Mitsubishi Montero kalpasan a nadungparna ti lima a concrete barrier iti Gilbert bridge ditoy siudad ti Laoag.
Basar ken ni Police Master Sergeant Artemio Magaoay iti Philippine National Police iti Traffic Division ditoy siudad, ti driver ket maysa a lalaki nga adda iti umno a tawen, ken residente iti Brgy. Nalbo ditoy siudad.
Basar iti imbestigasion, agpaabagatan a direksyon ti lugan ket naiturog na daytoy rason a nadungparna dagiti barrier.
Nupay kasta, saan met a nadangran ti driver ti idi napasamak ti desgrasya.
Mainaig iti daytoy, umabot iti lima a concrete barrier pakairamanan dagiti landok nga agbalor iti P150,000 ti nadungpar ti driver.
Kabayatanna, nagpalagip ti Traffic Division a kanayon nga agannad bayat ti panagmaneho tapno maliklikan ti aniaman nga insidente.
