LAOAG CITY – Nagballigi dagiti otoridad iti insayangkat da nga Anti-Illegal Drug Buy-Bust Operation iti Gaño Hill Resort iti ili ti Sarrat.
Nabigbig ti subject a ni Warren Alcon, agtawen ti 44, naasawaan, construction worker, residente iti Barangay 8, iti nadakamat nga ili.
Naarestar ti subject kalpasan a nakumpiskar manipod kenkuana ti 12 a sachet ti mapappapati a shabu, maysa a one thousand peso bill a nagserbi kas buy bust money, pakairaman ti motor na.
Basar iti inisyal nga impormasyon ti subject ket maibilang kas Street Level Individual ken sakbay ti naiwayat kenkuana a operasyon ket naibalod pay ni Alcon idi tawen 2014 ken 2023.
Kabayatanna, manamnama a mapilaan ti maysa nga idibidual a maibilang a kas Street Level Individual iti ili ti Sarrat gapu iti panaglabsing na iti Republic Act 9165 wenno Comprehensive Dangerous Drugs Act of 2002.
