LAOAG CITY – Dead on the spot ti maysa nga indibidual kalpasan ti napasamak a desgrasya iti Brgy. Parado iti ili ti Dingras.
Segun ken Police Capt. Norman Pentang, ti chief of police iti Philippine National Police iti ili ti Dingras, iti inisyal nga imbestigasyon ket agpapaamyanan ti biktima ken sarsarunuen na ti maysa a truck.
Nupay kasta, pinadas na nga immovertake iti nasao a truck ngem namiscalculate na nga isu metten ti nangitunda ti pannaka-idungpar na iti maysa a concrete plantbox iti igid ti kalsada, ken rason ti pannaka-itapwak na iti nauneg a paset ti kataltalonan.
Inbatad ni Pentang nga insigida a nagresponde ti Philippine National Police iti ili ti Dingras pakairamanan ti Rural Health Unit ti nadakamat nga ili.
Ngem gapu ti nakaro a pannaka-itupar ti ulo ti maseknan ket ditoy nga indeklara ti nangtaming a doktor a dead-on-the-spot daytoy.
Mainaig iti daytoy, saan pay a makumpirmaran dagiti kameng ti pulisya no addaan ti impluwensiya ti nasanger ti driver.
Kabayatanna, kuna ni Pentang nga agtultuloy ti imbestigasyon seknan iti daytoy a banag.
