LAOAG CITY – Inbatad ti militar ti Israel nga imbestigaranda ti drone attack a nangdungpar iti sentro ti Tel Aviv idi napan nga aldaw.
Iti maysa a statement, kinuna ti militar ti Israel a ti umuna a panagimbestigar ket nangipamatmat a ti panagbettak ket gapu iti pannakatnag ti “aerial target”, a saan a napakadaan gapu iti human error.
Innayona da a ti panagbettak ti nangitunda iti ipapatay ti maysa nga idibidual ken sumagmamano ti nasugatan.
Naamuan a dagiti militante ti Yemen’s Houthi ti responsable iti iti panangraut.
Immuna iti daytoy, inwaragawag ti grupo a supsuportaran ti Iran dagiti detalye maipapan iti operasion militar a nangpuntiria iti Tel Aviv.
Innayon ti militar ti Israel nga umad-adu ti air patrols, bayat a kinuna ti Mayor iti nasao a siudad a naka-high alert ti ciudad da.
Maipalagip a dagiti insidente ket napasamak kalpasan a pinasingkedan ti militar ti Israel a pinatayda ti maysa a senior commander ti Hezbollah militia iti southern Lebanon, no sadinno a nagbinnales ti Hezbollah ken Israel ken nangiparuk-ak da kadagiti panagpaputo iti beddeng sipud idi nangiparuk-at met ti Hezbollah kadagiti rocket maysa nga aldaw kalpasan a rinugian ti Israel ti militar nga opensiba iti Gaza kas sungbat iti makapapatay a panangraut ti Hamas iti Israel idi 7 Oktubre.
