LAOAG CITY – Balligi a naarestar ti maysa nga indibidual iti naiyuswat a drug buy-bust operation iti ili ti Dingras.
Nabigbig ti suspek nga agtawen ti 27, awanan asawa, residente iti nadakamat a lugar ken maibilang kas street level individual.
Kinemmeg a dagus dagiti kameng ti Philippine Drug Enforcement Agency (PDEA) ti suspek kalpasan a naglako ti maipagarop a shabu iti nagpammarang kas poseur-buyer.
Nakumpiskar a iti ikot ti suspek ti maysa nga heat sealed transparent plastic sachet a naglaon ti mapapti a shabu nga agdagsen ti maysa a gramo ken ti buy-bust money a 6 ribo a pisos.
Malaksid iti daytoy, nakumpiskar pay manipud iti suspek ti maysa a cellphine ken gray nga NMAX a motorsiklo.
Kabayatanna, nagtalinaed ti suspek iti kustodiar ti Philippine National Police iti ili ti Dingras.
