LAOAG CITY – Natay ti maysa nga indibidual ken sumagmamano a tattao ti nasugatan kalpasan a nadungpar ti tren ti maysa nga slurry tanker a dumalyasat iti rail road crossing a nangitunda ti pannakadiskaril daytoy iti abagatan ti Denmark.
Basar kadagiti otoridad, adda ti nairuar a ladawan a makita ditoy ti maysa a bagon ti tren a naisina ken natumba.
Segun iti pulisia ti Southern Jutland region ti Denmark, adda ti 95 nga indibidual pakairamanan dagiti pupils manipud iti pagadalan ti Sønderborg ti nakalugan ti tren no sadinno a maysa ti pimmusay ken sumagmamano dagiti nasugatan.
Kabayatanna, gapu iti insidente, ti nailian a railway operator ti Denmark, ti DSB a kukua ti estado ket dinakamatna nga insardengna ti amin a biahe iti nagbaetan iti ili ti Kliplev ken Tinglev nga asideg iti nagbedngan ti Denmark iti Germany.
