LAOAG CITY – Natay ti maysa nga indibidual a nangiturong ti tricycle kalpasan ti pannakidinnungpar na iti van iti Barangay 24 iti ili ti San Nicolas.
Segun iti Philippine National Police, ti biktima ket agtawen ti, naasawaan ken residente iti residente iti Brgy. 24 Sta Monica, San Nicolas idinto a ti driver ti van ket agtawen ti 20, awanan ti asawa ken residente iti Brgy. 53, Rioeng, Laoag City.
Iti inisyal nga imbestigasyon ti pulisya, agpadaya ti tricycle idinto a ti van ket agpalaud idi napukawan ti kontrol ti biktima agingga nga immagaw iti linya ti kalsada.
Gapo iti pasamak, nagsagaba ti nakana a sugat ti biktima iti nagduduma a paset ti bagi na kangrunaan na iti ulo, barukong ken saka na idinto a saan met a naan-ano ti driver ti van.
Naitaray iti ospital ti nadakamat a biktima ngem naideklara a dead on arrival.
Mainaig iti daytoy, manarimaan pay laeng ti naun-uneg nga imbestigasyon ti pulisya ken ur-urayen na ti kumpirmasyon ti doktor no nakainom ti nasanger ti biktima wenno saan.
Iti agdama ket nagtalinaed iti Philippine National Police ti driver ti van ken agdepende ti desisyon ti pamilya ti biktima no agipila ti reklamo wenno saan.
