LAOAG CITY – Nasugatan ti maysa Agriculture engineer kalpasan a nagsarili iti Brgy 19 San Lorenzo iti ili a San Nicolas.
Nabigbig ti inhinyero a ni Felimar Ragadi, agtawen ti 24, maysa Agriculture engineer ken residente ti Brgy Magnuang iti siudad ti Batac.
Segun ti PNP, bayat ti panagturong ni Ragadi a nakalugan ti motorsiklo iti amianan a direksyon ket dita nga aksidente a naidungpar iti barrier ti rangtay ti nasao a barangay.
Gapu ti iti daytoy, nagsagaba ti sugat ti biktima ken dagus a naitaray iti Mariano Marcos Memorial Hospital and Medical Center iti siudad ti Batac.
Kabayatanna, nasugatan met ti maysa a motorista kalpasan a naidungpar iti barikada ti matar-tarimaan a kalasada iti Brgy Tabuc iti siudad ti Batac.
Nabigbig ti biktima a ni Jomark Arellano, agtawen ti 32, naasawaan, maysa a mannalon ken residente iti nasao a barangay.
Segun ti PNP, bayat ti panagmaneho ni Arellano a nakalugan ti motorsiklo iti Manila-North Raod, ken dita a nadungpar na ti barikada ti matar-tarimaan a kalsada iti nasao a lugar.
Gapu iti daytoy, nai-slide ti biktima a makagapu ti panagsagaba na ti naruay a sugat iti nagduduma a paset ti bagi na kangrunaan iti ulo na.
Insegida a naitaray ti biktima iti Mariano Marcos Memorial Hospital and Medical and Medical Center iti nasao a siudad.
