LAOAG CITY – Nagballigi dagiti otoridad a nangtiliw iti maysa nga inhinyero iti Brgy. Laureta iti ili ti Solsona.
Basar iti Philippine National Police iti ili ti Solsona, ti akusado ket agtawen ti 68, naasawaan, inhinyero ken residente iti Brgy. Juan iti ili ti Solsona.
Inbatad ti Philippine National Police a natiliw ti akusado babaen ti bileg ti maysa a warrant of arrest nga inparuk-at ti Municipal Trial Court, Calasiao, Pangasinan gapu iti panaglabsing na iti National Internal Revenue Code wenno ti Republic Act (RA) 8424 nga inamendaran ti Republic Act (RA) 10963) gapu iti saanna a panangikaso ti naipatulod kenkuana a subpoena.
Nairekomendar ti 12 ribo a pisos a pagpiyansa ti akusado para iti temporaryo a pannakawaya-waya na.
Naamoan nga agpapan maisursurat daytoy a damag ket naiturnoveren ti Philippine National Police ti akusado ti naggapoan ti warrant of arrest.
