LAOAG CITY – Kinumpirmaran ni Babylene Viloria, taga Sta. Maria, Ilocos Sur ngem agdama nga agtrab-trabaho idiay Saudi Arabia ti pannakadangran ti pagayam na nga OFW a ni Evalyn Calma, taga Dingras, Ilocos Norte babaen ti mismo nga agency na.
Segun ken ni Viloria, makalawas pay laeng ni Calma idiay Saudi ngem maipagarop a saan a kayat ti amo na isut gapu na a napan na insubli iti agency na.
Inbatad ni Viloria a maipagarop a inalaan ti ladawan ni Calma dagiti aywan na ket kinagura daytoy ti amo na.
Gapu ti daytoy, napan insubli ti amo na ni Calma iti agency na ngem maipagarop a kinagura ti agency na isut gapu na a sinipat da ti takyag na.
Naamoan a kalpasan a dinangran ti Agency ni Calma ket napan da met laeng insubli iti amo na ken inbaga da nga agbiruk da pay ti pagakaran na.
Innayon ni Viloria a saanna pay a masigurado no ayan nan iti agdama ni Calma gapu ta kalpasan a nagmessage kenkuana nga agyamyam gapu ta addan ti napan nangrescue kenkuana ket saanna pay a nakontrak ti pagayam na.
