LAOAG CITY – Naglikodan ti ina a naggapu idiay Singapore nga anak na ti maladaga a nabirokan iti maysa a pagbausraan iti maysa a pagadalan idiay siudad ti Batac
Iti esklusibo a pannakiuman ti Bombo Radyo Laoag kenni Catherine Respicio a taga Brgy. Payao iti nasao a siudad, awan ti kinapudno ti alegasyon a kukua na ti naipasngay a maladaga gapu ta masikog daytoy.
Tapno mapaneknekan, nagpacheck-up ni Respicio iti doktor tapno maamuan ti kasasaad ti sikog na.
Saan a namnamaen ni Respicio a naistress gapu ta isunan ti nagpagsaaitaan ken napilitan nga nagsarita gapu ti alegasyon.
Innayon ni Respicio a ti balakad ti doktor kenkuana ket saan nga agpaapekto iti tsismis gapu ta amangan ket maapektaran ti sikog na.
Immuna iti daytoy, nagturong iti Bombo Radyo Laoag ti ina ni Catherine a ni Norma Madrid ken nagliokodan na ti alegasyon.
Kuna na nga isuna ti nagresponde kalpasan nga naipakaammo kenkuana ti nabirokan a maladaga gapu ta maysa isuna nga Barangay Health Worker (BHW).
