LAOAG CITY – Agtultuloy ti imbestigasyon dagiti otoridad seknan ti napasamak a panagtatakaw iti maysa nga store iti merkado publiko ditoy ciudad ti Laoag.
Daytoy ti kinumpirmaran ni Retired Police Executive Master Sergeant (PEMS) Ramelito Piedad, ti mangidadaulo iti Civil Security Unit (CSU) ditoy ciudad ti Laoag.
Inbatad ni Piedad a ti insidente ket napasamak idi Abril 26 iti oras ti alas-tres ti malem no sadinno a ti biktima ket ni Salimar Ramos nga agtagikua iti Ramels Store iti tiendaan.
Inlawlawag ni Piedad a basar ken ni Ramos, napukaw ti maysa a bag na kabayatan a makumikum a manglaklako kadagiti customers na.
Kuna na a karaman kadagiti naipalaon iti napukaw a bag na ti Driver’s license, ti 25 ribo a pisos a kwarta na ken dadduma a napapateg a kagamitan na.
Inpakaammo ni Piedad a naireport a dagus daytoy a pasamak iti Philippine Nationa Police (PNP) ditoy ciudad ti Laoag.
Agpapan ita ket saan pay a nabigbig ti kinatao ti suspek ngem imbestigaren da a naimbag ti naala ti Closed-circuit television (CCTV) camera a nakamuntar iti lugar.
