LAOAG CITY – Nalapdan ti maysa nga ubing a lalaki ti pagayam na nga agturong kadagiti nakalugan ti nalabbaga a van a maipagarup nga agsibrung iti ili ti Solsona, Ilocos Norte.
Daytoy ti kinumpirmaran ni Police Sr. Insp. Rodelio Santos, hepe ti PNP Solsona iti pannakiuman ti Bombo Radyo Laoag.
Inlawlawag ti hepe a maipagarup a pinayapayan dagiti nakalugan ti Van ti maysa nga ubing nga agay-ayam para ti panagsagana da iti maysa nga Sports Event.
\Kuna ti hepe a gandaten da nga ikkan dagiti nakalugan tu van ti biskwit a kanen kuma ti ubing.
Gapu iti daytoy, pinawilan ti pagayam ti ubing a maipagarup nga agbalin kuman a biktima dagiti maipagarup nga agsibrung.
Inpasingked ni Santos a naigiget ti ipatungpal da nga inspeksyon kadagiti lugan nga agdaldalyasat iti nasao ili tapno makita dagiti maipagarup nga agal-ala ti ubing.
