LAOAG CITY – Natakawan iti maysa a pagtaengan babaen ti saan pay nabigbig a suspek idiay Brgy 20 San Jose, Sarrat, Ilocos Norte.
Segun ti report, nasdaaw ni Jeremiah Manasala y Carino, agtawen ti 24, naasawaan, residente ti nasao a barangay kalpasan a nakita na ti naiwarang nga sling bag iti asawa na a ni Eunalyn Manasala y Duropan a naglaon iti cash a 76 a ribo a pisos iti mismo likod iti pagtaengan da.
Iti panaginspeksyon dagiti agasawa iti uneg ti balay da ket naduktalan da a mapukpukaw pay ti cellphone da nga agbalor iti 16 a ribo a pisos, maysa pay nga sling bag a naglaon iti 200 a pisos, ken ti naglakoan da nga 6 a ribo a pisos.
Agtultuloy ti imbestigasion dagiti otoridad mainaig iti napasamak a panagtatakaw.
