LAOAG CITY – Manamnama nga agmulta iti agarup $13,000 ti maysa a pasahero iti Hawaiian Airlines kalpasan iti pananGiserrek na iti pepper spray ti “Cabin” iti eroplano
Inbatad ni Bombo International Correspondent Manny Pascua, basar iti impormasion ket aksidente a nagpusitsit ti pepper spray bayat ti panagbiyahe ti eroplano iti tangatang idi laeng kalman.
Innayon na a ti eroplano ket aggapu idiay Oakland, USA ken agturong idiay Kahului, Maui, Hawaii.
Inlawlawag ni Pascua a dagiti nakaangot a 12 a pasaheros ken 3 a flight attendant ket nagguuyek da.
Insigida a nataming dagiti biktima babaen kadagiti paramedic iti Airport apaman a nakadanun da ti nasao nga lugar.
Iti agdama, saan pay naipublikar ti nagan ti suspek ken agtultuloy iti imbestigasion dagiti otoridad mainaig iti nasao nga insidente.
