LAOAG CITY – Inpetteng ni Atty. Alipio Castillo, ti Provincial Comelec Officer ditoy Ilocos Norte a masapol a maysa laeng ti ipila a Certificate of Candidacy (COC) na iti man lokal wenno national.
Inpalgak na a saan a mabalin a nasursurok ngem maysa a posisyon ti pagpilaan ti kandidatura.
Kuna na a no dua wenno ad-ado pay a posisyon ti pagpilaan ti COC ket otomatiko a maideklarar nga invalid.
Innayon na a saan a rumbeng a pagga-angawan wenno pagay-ayaman ti panagpila ti kandidatura.
Rakurak daytoy ni Castillo kalpasan nga adda manen ti maysa a kandidato ditoy probinsya a nagpila ti lokal a posisyon ken naduktalan da pay a nagpila para iti national position.
Kabayatanna, inpakaammo pay ni Castillo nga adda ti naawat ti opisina na kaso ditoy probinsya maipanggep iti isyu ti citizenship ti maysa a kandidato.
Nupay kasta, kuna na a saan da pay a napatuludadn ti opisyal a notification isut gapuna a saan a makaipaay ti naan-anay a detalye.
Inlawlawag na a ti agdama a paglintegan ket ti dual citizen ket mabalin nga agbotos ngem saan a mabalin nga agpaidasig iti aniaman a posisyon ditoy pagilyan agingga a saan a tallikudan ti foreign citizenship.
