LAOAG CITY – Sabali pay a naglugan iti kurong-kurong ti natay kalpasan ti disgrasya idiay Bgy. Arua-ay iti ili ti Piddig
Bingbig ni P/C/Insp. Junifer Narag, hepe ti PNP Piddig ti pimmusay a ni James Mortel, agnaed iti Brgy. Anao iti nasao nga ili.
Kuna na a simmaruno a pimmusay ni Mortel kalpasan a pimmusay ti kinadua na a kinalugan iti kurongkurong a ni John dela Cruz.
Kuna ni Narag nga agpapan ita ket saan pay a nagturong dagiti kameng ti pamilya dagiti pimmusay tapno agpalawag da.
Innayon ni Carag a ti driver ti trisikel a maysa kadagiti nadangran ket adda metten iti nasayaat a kondisyon idinto a ti maysa a driver ti kurongkurong a saan unay a nadangran ket pinagawiddan ngem binalakadan da a no masapulda ket ipresentar na ti bagi na.
Rumrumuar a maipagarup nga immagaw ti linya ti kurongkurong rason a nadungpar ti trisikel kalpasan a sabali pay a kurong kurong iti apagiso a dumalyasat a nangdungparan na kadagiti imun-unan a nadisgrasya.
Maipagarup nga adda impluwensiya ti nasanger ti driver ti kurong-kurong a nakadungpar kadagiti immun-unan a nadisgrasya.
