LAOAG CITY – Inbatad ni Barangay Chairman Joel Aliga iti Barangay 24, Nagrebcan, San Nicolas, Ilocos Norte a kadaytoy pay laeng a naireklamo ti pigerry ti kabarangayan da a ni Melwin Bonilla.
Kuna na a ti maysa a karruba ni Bonilla ti nagreklamo kalpasan nga adda ti maipagarop a saan da a nagkinnaawatan.
Immunan a naireklamo iti bombo radyo ti maipagarop a kinabangsit ti angot ti piggery, ado ti taraken na, open ti septik tank na ken nababa ti alad ti piggery.
Inlawlawag ti kapitan a kalpasan a naidanun kenkuana ti reklamo ti karruba ni Bonilla ket dagus na a napan kinasarita ti maseknan ken inbilin na nga ingatngato na ti alad ti piggery na.
Innayon na a maikadwan daytoy a panagtaraken ni Bonilla ken awan pulos ti nagrekreklamo idi un-unana.
Mainaig ti daytoy, inpakaammo ti kapitan nga adda idi ti nagsasaritaan da sakbay a naipatakder ti piggery a no adda ti agreklamo ket paserraan da daytoy.
Saan met a nadanun ti bombo radyo ni Bonilla tapno maala koma met ti kabibiangan na.
