LAOAG CITY – Natiliw ti maysa a Pilipino idiay Hawaii gapu iti illegal a droga.
Segun ken ni Bombo International Correspondent Manny Pascua idiay Hawaii, binigbig ti Police Hawaii Department ti suspek a ni Lito Castillo, agtawen iti 59 ken agnaed iti Papaikou iti Big Island, Hawaii.
Inbatad ni Pascua a natiliwan ni Castillo iti saan pay a masinunuo ti kadagsen wenno kaado na a droga ken drug paraphernalia.
Innayon na a dumatag ni Castillo iti korte kadagiti masungsungad nga aldaw.
Inpakaammo ni Pascua a ti illegal a droga ti maysa a pakaidep-deportaran dagiti Pilipino idiay Hawaii maisubli da ditoy pagilyan.
