LAOAG CITY – Inawagan ni Prof. Karl Lenin Benigno maysa a Political Analyst manipud iti Northwestern University, a “cold war mentality” ti panagpanpanunot ni Russian President Vladimir Putin.
Daytoy ket seknan pay laeng ti agtultuloy a rinupak iti nagbaetan ti Russia ken Ukraine, no sadinno a kalikagom ni Putin ti agpanuruay pay kadagiti napipigsa a missiles.
Segun ken ni Benigno, sakbay pay nga in-invade ti Russia ti Ukraine ket naruayen dagiti sanctions a nai-impost kontra iti pagilyan a Russia iti babaen ti Estados Unidos ken dadduma a Western Europe countries.
Daytoy ket seknan pay laeng dagiti nagbasolan ti Russia iti International Convention and International Law.
Patien ni Benigno a ti namunganayan ti saan a napintas a relasyon ti Russia ken Western Europe ket ti problema seknan iti alliance on North Atlantic Treaty Organization (NATO) kontra iti Russia, no sadinno a saan a maakseptar ni Pres. Putin ken patien met ni Putin a maysa daytoy a pangta iti seguridad iti pagilyanda.
Kinuna ni Benigno a ti kalikagom ti Russia ket ipakita nga addaan da ti power ken kapabilidad no sadinno a dagiti addang ni Presidente Putin ket maikanniwas iti International Law.
Innayonna a no kastoy latta ti kapanunotan ti Presidente ken agtultuloy ti rinupak ket mabalin a ngumato ti tension iti Western Europe iti nagbaetan ti North Atlantic Treaty Organization ken Russia.
