LAOAG CITY – Kinumpirmaran ni Mr. Herdy Yumol, professor iti Mariano Marcos State University (MMSU) idiay ciudad ti Batac a ginandat na ti nagpakamatay idi agad-adal pay laeng.
Daytoy ket kalpasan a nabagsak ti maysa a subject idinto a maysa daytoy nga honor student ken makideb-debate pay idiay abroad.
Inbatad na a ti kangrunaan a pagamkan na idi iti pannakabagsak na ket ti possible a pannakapukaw na ti scholar na gapu ta nangina ti matrikula iti San Beda College idiay Metro Manila a nagadalan na iti kolehiyo.
Gapu ti nakaro a pannaka-depress na ket napan gimmatang ti agas ngem idi tumaren na koman daytoy ket napanunot na dagiti nagannak na isut gapuna a saanna nga intuloy ti dakes a panggep na.
Malaksid ti daytoy, kuna na a ti kangrunaan a nakatulong kenkuana no apay saanna nga intuloy ti nagpakamatay ket ti maysa a kadwa na iti dorm a saan a nagsarsardeng a nangkaskasarita ken nangan-andingay kenkuana.
