LAOAG CITY – Dumalan ti imbestigasyon ni PO1 Mickle Manicdo, kameng ti PNP-Badoc kalpasan a nadisgrasya na ti bagbagina usar na ti Mahindra Patrol ti nasao nga ili.
Daytoy ti inabatd ni P/S/Insp. Michael Permison, Hepe ti Pulisya ti nasao nga ili.
Kuna ni Permison, adda sungsungbatan ni Manicdo gapu ta maipagarup nga innala ti lugan a saan na nga impakada iti laksid a saan a daytoy ti driver ti nasao a patrol car.
Immuna ng inbatad ni Manicdo nga innala na ti patrol car tapno mapan gumatang ti agas gapu ta nagsakit ti buksit na.
Rumrummuar pay a maipagarup nga adda ti impluwensiya ti nasanger ni Manicdo idi madisgrasya babaen iti idudungpar na iti maysa a karinderia iti Poblacion ti nasao nga ili ngem maiyurt-uray ti resulta ti liquor test.
Naamuan pay nga insigida a nadis-aramaran ni Manicdo kalpasan ti nasao nga insidente.
