LAOAG CITY- Kinumpirmaran ni P/C/Inps. Roldan Suitos Hepe ti Pulisya iti ili ti Sarrat a naaksidente ti maysa kadagiti patrol car da a mahindra idi rabii.
Segun ken ni Suitos, agturong koma ti nasao a lugan nga inturong ni PO1 William Gaoiran kadua na ni PO3 Boniemar Tomas iti checkpoint iti paset ti Bgy. 5 San Vicente idi maaksidente da iti paset ti Bgy. 22 San Cristobal.
Kuna na a natnag ti nasao a lugan iti kauneg nga agarup maysa a metro kalpasan a liniklikan da ti masabat da a lugan da a lugan a nag-ovetrtake iti kasarsaruno na a lugan ngem nangliklik gapu ta adda ti bigla a bimmallasiw nga aso.
Naboong ti ‘winshield’, headlight ken makinsanago a paset ti lugan ken nadunor ni Tomas isu a naitaray niti hospital idinto a ni Gaioraan ket saan a naan-ano.
Innayon ni Suitos nga awan met ti pakailasinan ti liniklikan dagiti pulis a lugan gapu ta saan a nagsardeng ken uray ti agtagikua ti aso gapu ta awan ti mangayat a mangadmitir a taraken da daytoy tapno adda koma ti ipilaan da ti kaso.
