LAOAG CITY – Natay ti maysa a Person With Disabality (PWD) kalpasan a nalmes iti swimming pool ti Hannah’s Beach Resort iti paset ti Sitio Malingay, Bgry. Balaoi idiay ili ti Pagudpud.
Nabigbig ti biktima a ni Maria Rhodora Mangahas y Chico, agtawen ti 38, awanan ti asawa ken residente ti San Pedro Compound, Tandang Sora, Quezon City.
Segun ti imbestigasyon dagiti otoridad, napan nagdigus ti biktima ken dagiti pagayam na iti nasao a resort idi ta nakita laengen a tumtumpaw.
Naitaray ti biktima iti Rural Health Unit (RHU) iti nasao nga ili ngem naiyakar iti bangui District Hospital idiay ili ti Bangui ngem naideklara a dead on arrival babaen kenni Dra. Rosanna Garvida.
