LAOAG CITY – Naduktalan ni Mayor James Bryan Alcid ti pannakatengga iti maysa freezer wenno refrigerator iti Farinas Trans a kukua iti Laoag City General Hospital.
Segun kenni Alcid tallo a tawenen daytoy nga adda iti Farinas trans ken ita laeng a naikabil iti Laoag City General Hospital.
Inlawlawagna a naamoan na daytoy kabayatan iti panagsapol da iti lifter wenno boom truck tapno maiyakar ken maipan daytoy iti nasao nga ospital.
Inadmitir na a nakigtot idi maamoan na daytoy a banag ken naipakaammo kenkuana nga idi pay 2022 a nagatang daytoy.
Kabayatanna, nagyaman ni Alcid kenni Vice Mayor Carlos Fariñas gapu ta uray nabayag a nakatengga ti freezer iti Fariñas trans ket awan iti nagbalin nga storage fee na.
