LAOAG CITY – Natiliw ti maysa a security guard kalpasan a nagtakaw ti pagpapaayan na a pagtagilakoan iti paset ti Barangay 13 ditoy ciudad ti Laoag.
Nabigbig ti suspek a ni Edwin Abalos Cabuang, agtawen ti 34, awanan ti asawa, securityguard ken taga Barangay Pudoc, San Vicente iti Ilocos Sur.
Segun ti report, naduktalan ni Michael John Candido Cataban, Branch Supervisor ti nasao a pagtagilakoan ken taga Pamplona, Cagayan nga adda ti maysa a pares a tsinelas a mapukpukaw.
Iti panangiyuswat ni Cataban iti ocular inspection ket nakita na ken ni Cabuang ti nasao a tsinelas.
Inadmitir ti suspek nga innala na ti nasao a tsinelas ken nakita pay iti backpack na ti dadduma nga items ken agbalor amin dagitoy ti 6,599 a pisos.
Maisagsaganan ti kaso a maipila kontra ken ni Cabuang.
