LAOAG CITY – Ballaigi ti naisayangkat nga illegal drug buy bust operation ti PNP-San Nicolas iti panangidaulo P/C/Inps. Paul Benedict Parado, Hepe ti Pulisya ti nasao nga ili ken nakikoordinaran da iti PNP-Laoag ken iti PDEA.
Ditoy a natiliw ti agnagan ti EJ Dagdagan y Cariaga agtawen ti 22, awanan asawa, security guard ken residente iti Bgy. Valvaldez iti ili ti Badoc ngem agkaskasera iti Bgy. 51-A Nangalisan ditoy ciudad ti Laoag.
Naala iti ikot ni Dagdagan ti maysa a plastic sachet a naglaon iti maatap a shabu nga agbalor iti 500 a pisos kalpasan a maysa a pulis ti nagpammarang a gumatang iti nasao nga illegal a droga.
Malaksid iti nasao a plastic sachet, narekubre pay iti ikot nmi Dagdagan ti sabali pay a dua a plastic sachet a naglaon iti maatap a shabu.
Naamuan a ni Dagdagan ket monmonitoren ti PNP San Nicolas gapu ta maibilang daytoy iti drug watch list street level category ken drug surenderee idiay ili ti Badoc.
Iti agdama addan ti Dagdagan ket addan iti kustodyar ti PNP ken maisagsaganan ti kaso a maipila kontra kenkuan a panaglako ti maipail a droga.
