LAOAG CITY– Natutukan ti paltog ti maysa a security guard kalpasan a nagatendar iti birthday party idiay Brgy. 48-A Cabungan ditoy ciudad ti Laoag.
Nabigbig daytoy a ni Raffy Jay Boromeo, agtawen ti 26, awanan asawa, security guard ti Northwestern University (NWU) ken residente ti Brgy. Mabanbanag Alyas Vintar, idinto a ti suspek ket ni Efren Cabella, addaan ti umno nga edad, tubo idiay Piddigan, Abra ngem agnanaed iti Brgy. 50, Buttong iti nasao a ciudad.
Segun ti inisyal nga imbestigasyon, bayat ti kaaddda da iti pasken ket inawis ti agnagan ti Gener Melvin Domingo ti biktima a mapan uminon iti ruar ngem saan na a kinayat.
Gapo ti daytoy, kellaat a nalibag ti bukot ti biktima ken nangirwar ti suspek ti paltog ken inpaturong na ken inputok na iti biktima ngem saan a natamaan.
Naamoan nga inanawa ni Domingo ti suspek ngem ditoy manen nga inputok na ti paltog na iti baba a direksyon.
Dagos met a naglibas ti suspek kalpasan ti pasamak ken tugot na ti saan pay nadeterminar ti klase na a paltog.
Agpapan ita ket saan pay a nalawag ti motibo ti suspek ngem manamnama a mapilaan ti kaso a frustrated homicide.
