LAOAG CITY – Adalen ti PNP-Badoc no adda sungsungbatan ti suspek iti napasamak a pammagkong iti Bgy. Garreta iti nasao nga ili.
Segun ken ni P/C/Insp. Arnel Tabaog Hepe ti Pulisya ti nasao nga ili, daytoy ket kalpasan a naamuan da a maipagarup nga inaramid ti suspek a ni Nicasio Acdan agtawen ti 66, balo ket residente ti Bgy. Lubigan ti nasao met la nga ili ti panangbagkong na kadagiti dua gapu iti saan apanagkinnaawatan kalpasan nga igawid da nga agawid.
Nabigbig dagiti biktima a da Jonathan Sapla y Corpuz, agatwen ti 41, baro, “hallow block maker”, tubo iti Cagayan ngem agin-indeg iti Brgy. Aring ken ni Erick Dagulo y Adzuara, agtawen ti 31, baro, mekaniko, ken residente ti Brgy. #3 Alogoog.
Kuna ni Tabaog a napan nagpasyar ni Acdan iti pagtaengan ti aganagan ti Cornelius Pascua iti Bgy. Garreta gapu ta adda ti ar-armen na a no sadinno a naramaan na dagiti ken naggiinum da ken ditan a naaddaan da iti saan a pagkinnaawatan gapu laeng iti panagawid ti lakay ken saan da a kayat nga agawid.
Nagsagaba dagiti biktima iti tama ti bagkong kadagiti nagduduma a paset ti bagi a rason iti nakaitarayan da iti Sto Cristo Milagroso Hospital iti Sinait, Ilocos Sur.
Natiliw met nga insigida ti suspek karaman ti imuko nga inusar na iti nasao a pammagkong rumrumuar nga intugot da bayat a mapmapan nga agpasyar.
