LAOAG CITY – Nagpositibo iti COVID-19 ni IN-C467, babai, agtawen ti 47, empleyado ti gobyerno, ken residente iti Brgy. 32-B Lapaz ditoy siudad ti Laoag.
Segun ti gobyerno probinsial, nakapulapol ti pasyente ni IN-C645, agtawen ti 71, lalaki, residente iti nasao a barangay ken maysa nga opisyal ti barangay.
Asymptomatic ni N-C647 ken nakaisolate daytoy.
Maipalagip a kinumpirmaran ni Barangay Secretary Johnny Mariano iti nasao a barangay a nagsagaba iti panateng kageddan na ti panaguyek ti opisyal ti barangay sakbay a nagpositibo iti COVID-19.
Kabayatanna, kinumpirmaran ti gobyerno probinsyal a nalainganen ni IN-C512 manipud iti COVID-19.
Daytoy ket lalaki nga agtawen ti 26, partidor ken residente iti Brgy. 21 San Marcos Sarrat no sadino a nakapulapol da IN-C485 kenni 487.
Umaboten iti 647 ti pakadagupan ti kaso ti COVID-19, addaan iti 139 active cases, 505 dagiti nalaingan ken nagtalinaed a tallo dagiti pimmusay.
Mainupud iti nasao a bilang, kaaduan pay laeng ditoy siudad nga addaan iti 426 a kaso, 106 ti active cases ken 320 dagiti nalaingan, sumarsaruno iti siudad ti Batac nga addaan iti 49 a kaso, 19 kadagitoy ti active cases, 29 dagiti nalaingan ken maysa ti pimmusay.
