LAOAG CITY – Kinumpirmaran ni Maj. Ericson Bolusan, pannakangiwat ti Northern Command iti Armed Forces of the Philippines (AFP) nga adda ti napasamak nga engkwentro iti nagbaetan ti 702nd Infantry Brigade ken New People’s Army (NPA) iti Brgy. Dili iti ili ti Sta. Cruz, probinsya ti Ilocus Sur.
Inbatad na a kalpasan ti pannakaawat da ti report manipod kadagiti umili seknan dagiti NPA ket dagus a naiyuswat ti security patrol iti nasao a lugar.
Segun ken ni Bolusan, kabayatan ti panagpatrolya dagiti militar ket naduktalan da dagiti napabettak nga improvised explosive device (IED) ken dita a nakarinnupak da ti agarup 15 a miembro ti NPA.
Gapu iti daytoy, maysa a kameng ti militar ti natay idinto a dua dagiti nasugatan kalpasan idinto a saan pay a masinunuo nu adda dagiti nadangran a miembro ti NPA gapu ta nakalibas dagitoy.
Iti agdama ket agtultuloy ti enforcement operation ti tropa ti militar ken ti kameng ti pulisya.
Rumrumuar a ti nasao nga ili ket maysa kadagiti kuta ti NPA iti probinsya ti Ilocos Sur.
