LAOAG CITY – Maysa ti pimmusay idinto a maysa ti nasugatan kalpasan ti napasamak a desgrasya iti national highway a paset ti Barangay 4, Poblacion iti ili ti Pasuquin.
Ti pimmusay a backrider ket agtawen ti 19, baro, pintor, idinto a ti nasugatan a driver ti electric bike ket agtawen ti 23, baro ken agpada dagitoy a residente iti Brgy. Sulongan iti ili ti Pasuquin.
Basar ken ni Police Major Julius Basalio, ti chief of Police iti ili ti Pasuquin, dagiti biktima ket nakalugan ti electric bike no sadinno a bayat ti panagpapa-amyanan da ket kellaat lattan a nadungpar ti sumarsaruno a kurung-kurong.
Gapu iti daytoy, nagsagaba ti sugat iti nagduduma a paset ti bagi dagiti biktima ken naitaray da a dagus iti Governor Roque Ablan Senior Memorial Hospital ditoy ciudad ti Laoag para iti naan-anay a pannakataming da, ngem pimmusay metlaeng ti nakalubbon iti electric bike.
