LAOAG CITY – Kinumpirmaran ti Philippine Coast Guard (PCG) Southern Tagalog a maysa a pasahero ti kumpirmado a natay iti limned a motorbanca nga MB Sto. Nino iti Simara Island ti Corcuera iti probinsia ti Romblon.
Segun ken ni Corcuera Mayor Elmer Fruelda, ti pimmusay ket maysa a babai ken agpapaay kas barangay treasurer.
Ti nangitunda ti pannakatay ti agtawen ti 55 a biktima ket gapu iti cardiac arrest basar iti attending physician.
Basar iti impormasyon manipod iti maysa kadagiti pasahero, inbatad ni Corcuera Mayor Fruelda a posiblen a nagsagaba ti head injury ti biktima.
Nagsagaba ti minor injuries dagiti dua a menor de edad ken agtawen ti 23 a pasahero kas maibasar iti Philippine Coast Guard.
Mainaig iti daytoy, inpakaammo ni Philippine Coast Guard Southern Tagalog Dist. Commander Geronimo Tuvilla, naisalakan dagiti 95 a dadduma pay pakairamanan dagiti lima a crew.
Iti pakabuklan, adda ti 95 a nakalugan iti motorbanca no sadino 90 ditoy ket pasahero pakairamanan dagiti 10 nga ubbing ken 5 a crew members.
Naammoan nga dda pay maysa a motorsiklo ti nailugan iti nasao a motorbanca.
Immuna iti daytoy, manarimaan ti panaglayag ti nadakamat a motorbanca nga agturong iti port ti Corcuera manipod iti Calatrava port idi mapasamak ti insidente.
Basar iti Philippine Coast Guard, awtorisado ti motorbanca nga agilugan ti 96 a tattao ken timmalaw manipod iti Calatrava port idi nasayaaten ti kasasaad ti panawen ken kondisyon iti baybay.
Kabayatanna, inlawlawag iti kapitan ti motorbanca a natamaan ti natangken a kayo ti port side daytoy rason a nabuttawan nga isu ti nagrugian ti panagserrek ti danum.
