LAOAG CITY – Maysa ti natay idinto a tallo a sabsabali dagiti mapukpukaw kalpasan a naarinebneb ti maysa a Bangka iti agarop 600 yards manipod iti Alcatraz Island.
Daytoy ti kinumpirmaran ni San Francisco Fire Department chief Dean Crispen kabayatan ti naisayangkat a news conference.
Inbatad na nga adda ti pakabuklan a 20 nga indibidual dagiti nakalugan iti bangka a kaadoan ket agkakapamilya idi napasamak ti insidente.
Naamoan a dagiti biktima ket mapan da koma agatendar ti memorial service.
Inpakaammo pay ni Crispen nga adda ti tallo a nasugatan ken naikabil da iti ospital, ngem agpapadan dagitoy nga adda iti natalged a kasasaad.
