LAOAG CITY – Natay ti driver ti nakamotorsiklo kalpasan a nakidungpar iti pada na met la a nakamotorsiklo iti Brgy. Naguirangan iti ciudad ti Batac.
Nabigbig ti biktima a ni Joel Siggaoat, 45, naasawan, awanan lisensya, awanan helmet ken iti lubbon na a ni Wendell Imbencion, 41, naasawaan, agpada a mannalon ken agpada a residente iti Brgy. Capacuan iti nasao a ciudad.
Basar iti inisyal nga imbestigasyon ti PNP Batac, bayat nga agpapadaya a direksiyon ni Siggaoat ket dita a nadungpar na ti maysa met laeng a motorsiklo nga inturong ni Jerry Salut, 45, awanan asawa, awanan helmet ken residente iti nasao a barangay bayat nga agpapalaud a direksyon.
Nagasagaba ti sugat iti ulo ni Siggaoat a poon ti pannakatay na idinto a nasugatan da Imbencion ken ni Salut.
Saan met a maibaga no adda iti impluwensya ti nasanger dagiti dua.
