LAOAG CITY – Inbatad ni Mary Anne Valenzuela nga awan ti ammo na a rason tapno paltugan da ni Rolando Salvador a poonen ti nakatayan na gapu kadagiti sinagaba na a sugsugat.
Iti eksklusibo nga interview ti Bombo Radyo Laoag ken ni Valenzuela, bayat ti panagawid da a nakalugan ti motorsiklo kadwa na ni Salvador ket adda ti nangsaruno kadakuada a nakalugan met laeng ti motorsiklo.
Kuna na nga inabay ida dagiti suspek kalpasan na ket ditoyen a pinaltu-paltugan da ni Salvador a nakatamaan met ti buksit na.
Innayon na nga idi damo ket inpagarop na a bimtak ti ligay ti nagluganan da a motorsiklo.
Nagkedked metten a nangsungbat ni Valenzuela no nalasin na dagiti dua a suspek.
Immuna ti daytoy, bayat nga agawid da Valenzuela ken Salvador idiay Barangay Pragata iti ili ti Pasuquin manipod iti Barangay Pangil ket pinaltu-paltugan ida ti riding-in tandem suspects.
Naggapo dagiti biktima iti Barangay Pangil iti ili a Pasuquin ken napanda nagdalos ti sili.
