LAOAG CITY – Natay ti maysa nga indibdiual ken maysa met ti nasugatan kalpasan ti panagbinnagkong da iti Barangay Dibua South ditoy ciudad ti Laoag.
Nabigbig ti pimmusay a ni Dante a tubo Nueva Viscaya iti idinto a ti nasugatan ket ni Bong a tubo iti Bacolod, agpada a care taker iti Farm a kukua ti anak ni Barangay Kagawad Leilanie Ignacio.
Segun kenni Mr. Jayson dela Cruz, maysa met laeng a caretake ken nakakita iti insidente, rumrumuar nga ummuna a binagkong ni Dante ni Bong iti maysa met laeng a farm.
Inbatad na a kalpasan daytoy ket napan ni Dante iti ayan ni Dela Cruz ken inbaga na a mapan na kitaen ni Bong gapo ta pinatay na babaen iti panangbagkong na usar ti kutsilyo.
Nupay kasta, kalpasan laeng ti sumagmamano a minutos ket napan met ni Bong iti ayan da ken ginuyod na ni Dante ken ditoyen a binagko-bagkong na daytoy iti bakrong ken iti tengnged no sadinno arig na sinigurado na a mapatay na.
Kalpasan daytoy ket inpurwak ni Bong ti kutsilyo nga inusar na, ken napan nagbuggo iti Comfort Room sakbay a nagtugaw.
Naamoan a ti kutsilyo nga inusar ni Bong ket isu met laeng ti kutsilyo nga inusar ni Dante idi binagkong na isuna.
Mainaig iti daytoy, inbatad na a nagtawag da iti Kapitan ti barangay ken iti ambulansya.
Kunana a saan na nga ammo no anya ti rason ti panangbagkong ti saan a panagkinnawatan dagitoy.
Kabayatanna, inbatad ni Barangay Kagawad Leilanie Ignacio nga idi nakaiddan ket adda ti nangpukkaw kenkuana tapno tumawag ti ambulansya ken ti tinawagan na ket ti kapitan.
Kunana a rumrumuar a naibayag ti ambulansya gapo ta idi rabii ket ado ti rinespondean dagitoy.
Dinakamat na a saan na met nga ammo no anya ti rason no ti insidente.
Innayon na a naipakammo na metten iti pamilya ti biktima ti napasamak.
Iti agdama, ti suspek a ni Bong ket adda iti ospital para iti panaglaing na gapo iti sinagaba na a sugat ken ita ket agtultuloy ti imbestigasyon.