LAOAG CITY – Maysa ti pimmusay ken maysa ti nasugsugatan kalpasan ti napasamak a desgrasya iti Barangay Cali iti ili ti Dingras.
Segun kenni PMaj. Julius Basalio, hepe iti PNP-Dingras, agpada nga agpaabagatan dagiti dua a motorsiklo nga inturong ni ti agtawen ti 17 a lalaki ken residente iti Brgy. Cali ken ti maysa nga agtawen ti 28, naasawaan, mangisursuro ken residente iti Brgy. Albano iti nasao nga ili.
Kabayatanna, apaman nagleft turn ken sumrek iti maysa a
barangay road ti inturong ti menor de edad ket nadungpar ti sumarsaruno a mangisursuro.
Gapu iti daytoy nasugsugatan ti lubbon umuna a motorsiklo nga agtawen iti 48 pakairamanan ti mangisursuro a driver.
Agpada a naitaray dagitoy iti Dingras District Hospital ngem naideklara a dead on arrival ti lubbon ti menor de edad idinto a naiyakar iti Mariano Marcos Memorial Hospital and Medical Center iti siudad ti Batac ti mangisursuro. Iti agdama, agtultuloy ti imbestigasyon dagiti otoridad iti nasapamak nga insidente.
