LAOAG CITY – Balligi a natiliw ti maysa a wanted person gapo iti kaso na nga Acts of Lasciviousness idiay ili ti Bangui.
Nabigbig daytoy a ni Chris Paul Caina y Mendoza, agtawen ti 19, awanan ti asawa ken residente iti Barangay Masikil iti nadakamat nga ili.
Segun kenni Police Captain Johnwen Balueta, chief of police ti PNP-Bangui, natiliw da ni Caina idiay Barangay Nagbalagan iti nasao met laeng nga ili.
Inbatad na ti warrant of arrest ket inparuk-at ni Hon Judge Gemma Bucay Madrid iti RTC Branch 19 iti ili ti Bangui ken napetsaan ti Pebrero 21, 2019.
Umabot met ti 36 a ribo a pisos ti nairekomendar a pyansa ni Caina para iti temporaryo a pannakawaya-waya na.
Kunana a saan a naglemmeng ken nakikooperar ni Caina idi tiliwen da daytoy.
