LAOAG CITY – Inbatad ti aktor a ni McCoy de Leon a malaksid iti trabaho ken pamilya ken nakapokus paylaeng isuna iti anak da ken ni Elisse Joson a ni Felize.
Kuna na nga adda iti poder na iti agdama ti anak na ken inpasigurado na a kanayun a naragsak daytoy.
Inrakurak na nga awan met ti problema iti co-parenting set-up da ken ni Elisse.
Inpasigurado na pay a saan nga agkurkurang iti suporta iti anak na ken ikarkarigatan na nga annungen ti responsibilidad na kas ama ken ni Felize.
Innayon na a sipud nagbalin nga ama ket awanen ti sabali a kalikagom na nga aramiden no saan a ti mangipasigurado a natalged ti masakbayan ti anak na, aglalo iti panageskwela na.
Maipalagip a naminduan a daras a nagsina da McCoy ken
Elisse no sadinno a kuna ti aktor a ti laengen Diyos ti makaibaga no adda ti maikatlo a gundaway a maurnus ti relasyon da iti aktres.
