LAOAG CITY – Inpakaamo ni Mr. Hendrick Pedronan, mangidadaulo ti Municipal Disaster Risk Reduction and Management Office (MDRRMO) iti ili ti Pagudpud nga agtultuloy ti panangmonitor da iti sitwasyon ti nasao nga ili ken nakastand-by dagiti rescue team.
Daytoy ket kalpasan a dimmakel ti danom kadagiti creek ken karayan a naggapo iti bantay nga intunda ti agtultuloy a panagtudo.
Inbatad na a dagiti barangay a naapektaran ti panagdakkel ti danom ket ti Brgy. Saud, Subec, Caunayan ken Balaoi.
Kuna na a babaen iti alisto a panagresponde dagiti kameng ti MDRRMO ket naesesan nga insegida ti dakkel a danom ken awan dagiti naibakwit a residente.
Kabayatanna, kuna na a nadalusen ti kalsada a naapektaran ti landslide partikular iti Brgy. Pancian iti nasao nga ili.
Nagpalagip ni Pedronan kadagiti umili a saan pay laeng nga ituloy ti agbiyahe nangruna kadagiti agturong iti probinsya ti Cagayan gapu ta narisgo ti dalan ken saan a napintas ti panawen.
