LAOAG CITY – Agtultuloy ti panagmonitor dagiti opisyal kangrunaan na dagiti kameng ti Municipal Disaster Risk Reduction and Management Council (MDRRMC) kadagiti bantay a possible pay a pakapasamakan ti landslide iti ili ti Pagudpud.
Daytoy ti inbatad ni Mr. Henrick Pedranan, ti Municipal Disaster Risk Reduction Management Officer iti ili ti Pagudpud.
Immuna iti daytoy, napasamak ti landslide iti Barangay Balaoi iti nasao nga ili a nakagaburan ti maysa a balay.
Malaksid iti landslide, inpasingked pay ni Pedranan a monitoren da pay ti possible a panagngato ti lebel ti danom iti karayan iti nasao nga ili.
Naamoan a nalukatan ti creek nga isu ti pagderetsoan dagiti danom manipod iti bantay.
