LAOAG CITY – Mangnamnama ti Municipal Disaster Risk Reduction and Management Council iti ili ti San Nicolas a magun-od danto manen ti pammadayaw maipanggep iti performance ti nasao nga opisina para iti 2025.
Daytoy ket kalpasan a nagun-od da ti pammadayaw para iti 2024 Beyond Compliance wenno Exemplary Performance ti Municipal Disaster Risk Reduction and Management Council.
Segun ken ni Miss Rian Simon, ti mangidadaulo iti Municipal Disaster Risk Reduction and Management Council iti ili ti San Nicolas, saan laeng a ti mismo nga opisina da no di ket nakadepende no ania ti nagbalin a performance da iti napalabas a tawen.
Patien ni Simon a gapu iti naiget a kooperasyon ken panagtitinnulong da nga agpapaay iti nasao nga opisina ken dagiti naputar nga ordinansa mainaig iti daytoy ket isu ti rason ti nagsaruno a dua a tawen a nagun-od da ti pammadayaw.
