LAOAG CITY – Inpakaammo ni Mr. Almond Leaño, mangidadaulo iti Municipal Disaster Risk Reduction iti ili ti Vintar nga agtultuloy ti naiget a panagmonitor kadagiti nagduduma a barangay iti nasao nga ili.
Segun kenkuana, babaen ti pammilin ti Mayor ti Vintar mainaig iti idududprak ti Bagyo Kristine ket adda ti nasayaat a sitwasyon agsipud ta adda aktibo a komunikasion iti tunggal barangay no sadinno adda ti naaramid group chat a maus-usar tapno alalisto ti panagrespondeda kadagiti maapektaran ti bagyo.
Kinunana nga immununan nga adda ti naangay a panagtataripnongda no sadinno nagatander ni P/Cl Frederick Obar, Provincial Director iti Ilocos Norte Police Provincial Office tapno maammoan ti sitwasion ti nasao a lugar.
Naragsakan ni ti Mayor iti panangipaay ti suporta ti Provincial Director a nangipanamnama a mangipaay iti tulong no kasapulan.
Iti agdama, nga arigna bimmaba ti lebel ti danum iti Bislak River segun iti lokal a gobierno, gapu ta saan a napigsa ti tudo mapaspasaran.
