Balligi a naarestar ti subject ti search warrant operation a naiyuswat iti Brgy. Tanap iti ili ti Burgos.
Daytoy ti kinumpirmaran ni PCapt. Sheryl Guzman, ti hepe ti PNP Burgos.
Inpakaamo ni Guzman a basar iti nakailanad iti search warrant ket calibre 45 ken calibre 38 pakairamanan ti nagduduma nga ammunitaion ti biroken da.
Nu pay kasta, inbaga na a ti nakumpiskar manipod iti subject a maysa a meat vendor ket maysa a magazine ti calibre 45 a paltog, pito nga live ammunition, maysa nga hand grenade ken maysa a plastic sachet ti maatap a marijuana.
Kabayatanna, kuna na a namunganay ti pannakaiserbi ti search warrant kalpasan nga adda ti nangireport kadakuada nga adda iti ikot a paltog ti subject ken maipagarup nga itugtugot na daytoy nu rumuar.
Iti agdama ket maisagsagan ti maipila a kaso a panagsalungasing ti RA 9165 wenno Comprehensive Dangerous Drugs Act of 2002, RA 10592 ken RA 9156 wenno Illegal possesionof Firearms kontra iti subject.
