LAOAG CITY – Manamnama a maipatungpal ti Modified Enhanced Community Quarantine iti ili ti Bangui ita nga aldaw.
Daytoy ti inbatad ni Police Major Julius Basallo, hepe ti Municipal Police Station iti nasao nga ili.
Iti naawat ti lokal a gobyerno ti Bangui a DILG MC 2021-50 kas naibasar iti FB page a Bangui Ilocos Norte, maiparit wenno malimitaran ti panagtitipon ti tattao kabayatan ti MECQ.
Maiparit ti panagtitipon iti ruwar ken uneg ti pagtaengan, pannakaiyuswat ti movie screenings, concerts, sporting events, entertainment activities, ken work conferences
Maipalubos met ti panagtitipon pakaseknan iti government service ken ti otorisado a humanitarian service.
Nalimitaran ti religous gatherings no sadinno a maipalubos laeng iti 10 a porsiento iti kapasidad ti umatendar wenno 30 a porsiento, agdepende iti ipatungpal ti LGU.
Maipalubos met ti panagtitipon dagiti miembro ti pamilya nangruna no nagminatay dagitoy.
Iti garaw dagiti residente, nalimitaran laeng para iti panaggatang ti kasapulan ken iti emerhensya.
Naipatungpal met ti temporary total lockdown iti Barangay Lanao, ken Masikil, ken maiyuswat ti mass testing ita nga aldaw ken intono bigat.
Dagiti APOR nga agnegatibo iti RT-PCR test ket mabalin da nga ituloy ti anyaman a kumikom da.
Agtalinaed a nakahome quarantine dagiti primary contacts para iti 14 nga aldaw,
Nasuspenso pay ti panagpastrek kadagiti LSI iti dua a lawas.
Mapatawan met ti pannusa dagiti agsalungasing kadagiti pagalagadan babaen iti Republic Act No. 11332, wenno Mandatory Reporting of Notifiable Diseases and Health Events of Public Health Concern Act.
